Presidenti Ilir Meta ka dhënë të tjera argumente që sipas tij e bënë që të kthejë buxhetin për vitin 2022 për rishqyrtim në Kuvend. Meta shkruan se ky buxhet është antisocial, pasi ul fondet e ndihmës ekonomike dhe rrit kostot buxhetore për inceneratorët.
“Buxheti 2022 është antisocial.
Ulje të fondit të ndihmës ekonomike për 64,710 familje, me të ardhura për person 0.7 USD/ditë.
Rritje të kostos buxhetore për INCENERATORËT, nga 2 miliardë lekë në 2.3 miliardë lekë” – shkruan Meta.
Ndërkohë gjatë një konference për mediat ditën e djeshme, Kreu i Grupit Parlamentar Socialist Taulant Balla deklaroi se maxhoranca do ta rrëzojë Dekretin e Presidentit për kthimin e Buxhetit të Shtetit 2022, duke i hapur rrugë hyrjes në fuqi buxhetit më të madh në historinë e Shqipërisë.
“Buxheti i Shtetit 2022 mundëson vazhdimin e financimit të reformave, sigurimin dhe përmirësimin e shërbimeve publike, forcimin e drejtësisë sociale dhe zgjerimin e paketës sociale për të gjithë shtresat në nevojë, si dhe sigurimin e investimeve të domosdoshme për zhvillimin e mëtejshëm të sektorëve strategjikë dhe ekonomisë së vendit” – është shprehur Balla.
Discussion about this post