Ish ministri i Financave Arben Malaj, i është përgjigjur deklaratës së zv.kryeministrit Arben Ahmetaj kur tha dje në kuvend se buxheti i vitit 2022 është më i miri në këto 30 vjet.
Përmes një postimi të gjatë në Facebook, Malaj shkruan se ky buxheti është më i larti në shkallë e mashtrimit publik, pasi sipas tij kjo qeveri është e vetmja që mund ta shesë Eurobondin dhe buxhetin si sukses, ndërsa jep argumentet e tij.
Malaj shkruan se kapja e shtetit me investimet publike, sipas studimeve të FMN-së shkon nga 600-deri në 900 milionë euro, shifër, më e lartë se Eurobondi, duke aluduar se qeveria po merr borxh duke rrezikuar kështu financat publike. Madje sipas tij, vendi është paralajmëruar disa herë nga FMN për projektet që jepe pa garë dhe me kosto të larta.
“Korrupsioni dhe kapja e shtetit me investimet publike sipas studimeve të FMN-së është rreth 33-35 % të tyre ose më konkretisht në vendin tonë nga 600- deri në 900 milionë euro. Kjo shumë është deri në 1.4 herë më e madhe se i gjithë Eurobondi. Pra, po marrim borxhe për të financuar babëzinë dhe po e përkeqësojnë si rritjen ekonomike dhe stabilitetin e financave publike. Ky rilindas i babëzitur thekson se ky buxhet kthen stabilitetin e financave publike. Shqipëria është paralajmëruar në mënyrë kritike dhe të përsëritshme nga FMN, BB dhe BE se me projekte të mëdha infrastrukturore pa studime, pa garë dhe me kosto shumë të larta vazhdojnë të kërcënojnë rëndë stabilitetin e financave publike”, shkruan Malaj.
Ndër të tjera, ai shprehet se buxheti nuk ndihmon në varfrit pasi ka prodhuar gjobat nga gjykatat ndërkombëtare që shkojnë 300-420 milion euro ose rreth 60% e Eurobondit.
“Si ky buxhet mbështet më mirë të varfrit, të papunët dhe të paaftët kur keqqeverisja e disa të babëziturve ka prodhuar gjobat nga gjykatat ndërkombëtare që shkojnë 300-420 milionë euro ose rreth 60% e Eurobondit. Ja përse Eurobondi certifikon dështimin dhe jo suksesin e qeverisë. Përse duhet të shitet si sukses i jashtëzakonshëm ky borxh i ri kur ai merret për të mbushur gropat e zeza dhe të thella në financat publike. Gropa të çelura jo thjesht nga padija, por nga babëzia dhe kapja e disa rilindasve nga oligarkët e tyre”, shprehet ai.
Në përfundim të postimit, Malaj shkruan se këto argumente vërtetohen sipas tij në humbjen e shpresës dhe largimin e të rinjve nga vendi.
Discussion about this post