Brenda në Kuvend, opozita ka kërkuar që të mos pengohet kërkesa e tyre për të ngritur një komision hetimor parlamentar për skandalin Edi Rama-Charles McGonigal.
Drejtuesja e seancës, Ermonela Felaj tha se ligji për komisionet hetimore është pezulluar, për shkak se po shqyrtohen ndryshimet në këtë ligj.
Deputeti demokrat, Oerd Bylykashi e quajti skandal, pasi tha se ligji pezullohet vetëm nga Gjykata Kushtetuese.
“Ky grup parlamentar i shumicës po e varros përditë parlamentarizmin.
Kërkojmë komision parlamentar hetimor për skandalin Rama-McGonigal. Është e papranueshme që Byroja e Kuvendit ka vendosur të pezullojë ligjin për komisionet hetimore.
Këtë ligj mund ta pezullojë vetëm Gjykata Kushtetuese.
Sot duhet që ky parlament të hetojë në të drejtën e vet. Ka vendime të Gjykatës Kushtetuese. Ka madje edhe marrëveshje, kjo është turp, për zbatimin e vendimeve të Gjykatës Kushtetuese.
E mbështeti edhe Parlamenti Europian ajo marrëveshje,” tha Bylykbashi.
Discussion about this post