Deputeti i PD, Oerd Bylykbashi është shprehur se Kuvendi Kombëtar ka kompetencë të ndryshojë dhe emrin e partisë, e jo vetëm logon. Sipas tij logoja që Basha mban nuk vlen, ndaj mun ta përdorë atë si suvenir, pasi nuk ka më vlerë ligjore.
“Kuvendi Kombëtar nuk falsifikon, Kuvendi mirato, ndryshon edhe emrin e partisë, jo më të ndryshojë logon dhe vulën. Logoja dhe vula e vjetër që mban në xhep Basha, nuk vlen. Mund ta marrë në shtëpi, ta përdorë për suvenir, por nuk ka më vlerë ligjore brenda PD. Në momentin që regjistrohet në Gjykatë është e vlefshme edhe për të tretët, KQZ e tjerë. Organi suprem i një partie politike, është Kuvendi Kombëtar, i cili ka të drejt të bëjë çdo gjë përfshirë shkarkimin e kryetarit.”
Bylykbashi deklaroi se Edi Rama ndihmoi Bashën duke përdorur policinë, teksa shtoi se shërbimi i rradhës që Rama do t’i bëjë Bashës do të jetë në gjykatë.
“Kuvendi ndryshon logo, vulë, ndryshon statut, dhe këto depozitohen në Gjykatë. Gjykata do ta refuzojë vetëm një rast: Edi Rama i bën shërbimin e fundit Lulzim Bashës. Nuk ka rrugë tjetër.Rama i la gjurmët e para duke i çuar policinë në ndihmë Bashës. Kjo s’ka ndodhur ndonjëherë. Basha kishte hall, Rama i bëri shërbimin. Shërbimi i dytë do të jetë kur ta ndihmojë te Gjykata.”
Deputeti Oerd Bylykbashi e cilësoi Lulzim Basha si ekzekutiv, pasi sipas tij pushtetin e kanë anëtarët, të cilët e delegojnë atë tek përfaqësuesit. Bylykbashi bëri me dije, gjithashtu se statuti do të shkojë në Gjykatë.
“Lulzim Basha është thjesht ekzekutiv nuk është asgjë më tepër. Pushtetin e kanë anëtarët, anëtarët e delegojnë përfaqësuesve të tyre. Organi suprem është Kuvendi. Nëse kryetari nuk e thërret, ose kryetari është në konflikt interesi, ose kryetari duhet shkarkuar e thërrasin anëtarët Kuvendin. Në këtë moment ne kemi Kuvendin që është thirrur nga anëtarët e tij, u verifikua thirrja. Kuvendi mori një vendim, ndryshoi statutin ku mori vendimi të tjera, ndër to dhe shkarkimin e Bashës. Statuti do të shkojë në Gjykatë.
Bylykbashi njoftoi se Basha ka depozituar në Gjykatë statutin, e ndryshuar më 17 korrik të 2018, gjë që sipas tij tregon se atij nuk i intereson statuti.
“ E dini ju që Basha e ka depozituar statuti i 17 korrikut. Në korrik Basha depozitoi statutin e vitit 2018. Bashës nuk i intereson. Statuti dorëzohet nesër në Gjykatë, për regjistrim. Do dorëzohen provat, ndryshimet që përfshijnë vulën dhe logon e PD. Jemi rikthyer tek logoja e vitit 1991.”
Discussion about this post