Edi Rama po kërkon të shkërmoqë opozitën, tha mbrëmjen e sotme deputeti Oerd Bylykbashi, ndërsa e konsideroi si politik hetimin e SPAK ndaj kreut demokrat, Sali Berisha.
Në emisionin “Top Story”, Bylykbashi tha se nëse SPAK-u do të arrestonte kryeministrin, gjëja e parë që do të ndodhte është se bie qeveria. Nëse SPAK-u do të arrestonte kreun e opozitës, gjëja e parë që ndodhë bie opozita”.
Sipas Bylykbashit, SPAK nuk duhet të bëjë politikë.
Pjesë nga debati:
Duma: Do vijojë opozita me aksiomën që SPAK është Edi Rama, dhe nuk do të njohë faktin që po të ishte vetëm Rama, shumë ministra të tij nuk do t’i leverdisnin t’i kishte në burg. Po të ishte vetëm Rama edhe goditja e stablishmentit të vjetër politik, nuk do t’i leverdiste ta godiste. Apo do të njohë faktin që SPAK-u realisht është i ndërtuar edhe nga SHBA dhe aleatët e tjerë strategjik.
Bylykbashi: Atëhere, ata që mendojnë se Rama vepron në mënyrë intuitive bëjnë gabim. Rama është kundër kësaj. Ai bën një goditje më larg, dhe në të kundërt madje. Ajo që do ai është që në momentin që do të përballet sërish me opozitën, opozita të jetë e shkërmoqur.
Të bëjmë një paralelizëm. Nëse SPAK-u do të arrestonte kryeministrin, gjëja e parë që do të ndodhte është se bie qeveria. Nëse SPAK-u do të arrestonte kreun e opozitës, gjëja e parë që ndodhë bie opozuita. Kjo nga ana politike, përtej aspektit juridik.
Në këtë histori, barrën e provës, përtej dyshimit të arsyeshëm publik, e ka SPAK-u që nuk është ngatërruar me politikën.
Duma: Ju thoni që nëse ekziston një çështje mbi Sali Berishën, ajo meriton të trajtohet politikisht dhe jo me drejtësinë.
Bylykbashi: Me drejtësinë ka rrugën e vetë ajo.
Duma: Kemi të bëjmë me një dosje ku Berisha rrezikon të shpallet fajtor ose jo. Si jeni përfshirë politikisht në këtë, kur ajo dosje rrezikon të jetë një bombë nëse Berisha del fajtor?
Bylykbashi: Unë të thash që spangoja me të cilën kanë qepur SPAK është aq e trashë dhe bie aq shumë në sy saqë…
Duma: Pra është e trashë dosja?
Bylykbashi: Unë nuk di se çfarë ndodhë me këtë lloj drejtësie. Komisioni i Venecias ka thënë në 2015-ën se këto që po ndodhin, përfshirë edhe Vettingun, ekziston mundësia që sistemi i drejtësisë të kapet nga partia që është në qeveri. E thonë ata. Paragrafi ’98, dokumenti i 2015-ës. Tani kjo ka ndodhur.
Kjo çështje ka edhe një aspekt tjetër, është një rast shumë i fortë për të vendosur një standard.
Discussion about this post