Reshjet intensive të shiut kanë bërë që të shembet dhe çahet asfalti i rrugës Berat-Sinjë, i cili është kthyer rrezik për qarkullimin e mjeteve. Sipas pamjeve të publikuara, asfalti ka shkarë dhe është rrezuar rreth 3 km në hyrje të fshatit Sinjë, duke përbërë rrezik serioz për automjetet që qarkullojnë në këtë rrugë. Bashkia Berat bënë me dije se e ka të pamundur të ndërhyrë për riparime, prandaj iu bënë thirrje shoferëve që të udhëtojnë me kujdes dhe me jo me shpejtësi.
“Vazhdojmë konsolidimin e grupeve të terrenit për përballimin e situatës së krijuar nga intensiteti i lartë i reshjeve. Grupet e punës janë në terren në mënyrë që të parandaloj problematiket e krijuara. Ju sugjerojmë të kufizoni lëvizjet deri sa situata të përmirësohet. Lëvizjet në drejtim të fshatit Sinjë të kufizohen si rrjedhojë e reshjeve të shumta deri në përmirësimin e rrëshqitjeve të rrugës kryesore. Strukturat e emergjencave në Bashkinë Berat do të vazhdojnë intensivisht proçesin e kontrollit raportimit dhe ndërhyrjeve në gjithë qytetin”, thuhet në njoftim. Ndërsa iu kërkohet shoferëve që të shmangin lëvizjet e panevojshme në këtë aks rrugor.
Discussion about this post