Një 57-vjeçar nga fshati Veterrik në Berat ka rrezikuar të mbytet, për shkak se lumi Osum ka dalë nga shtrati. Sipas të dhënave, Fuat Topi ka qenë duke punuar në tokën e tij kur prurjet e lumit Osum kanë vërshuar dhe ai s’ka mundur dot të dalë nga uji. Menjëherë është kërkuar nga banorët ndihma e zjarrfikësve, të cilët kanë mbërritur menjëherë në zonë. Punonjësit e Zjarrfikësve Berat janë futur në ujë dhe anë mundur ta nxjerrin nga lumi 57-vjeçarin.
Edhe më herët është paralajmëruar se Osumi rrezikonte daljen nga shtrati për shkak të prurjeve të shumta që regjistronte në mesditë, ndërsa reshjet kanë vijuar edhe gjatë pasdites, duke bërë që uji të tejkalojë kapacitetet dhe ka përmbytur zonat aty pranë.
Discussion about this post