Takimi mes Kryeministrit të Kosovës Albin Kurti dhe Presidentit serb Aleksandër Vuçiç do të mbahet në 15 qershor në Bruksel. Këtë e ka bërë të ditur zëdhënësi i BE-së Peter Stano në një deklaratë për mediat. Ai gjithashtu ka bërë me dije se takimi do të ndërmjetësohet nga kryediplomati Josep Borrell dhe emisari i BE-së, Miroslav Lajçak.
“Mund të njoftoj se raundi tjetër i dialogut i ndërmjetësuar nga BE-ja do të mbahet të martën e ardhshme më 15 qershor, ku do të takohen presidenti Aleksander Vuçiq dhe kryeministri Albin Kurti. Këto takime do të ndërmjetësohen nga kryediplomati Josep Borell dhe Emisari i BE-së, Miroslav Lajçak”, ka thënë Stano.
Në këtë takim pritet të diskutohet formimi i Asosacionit të Komunave serbe në Kosovë, krimet e luftës, njohja e Kosovës, si dhe fatin e të humburëve në Kosovë gjatë luftës.
