Që nga mbërritja e tij në verën e vitit 2021, Eduardo Camavinga ka qenë shpesh një nga të dalluarit pozitivisht të Real Madridit. Ai pati një fillim të qetë të aventurës në kryeqytetin spanjoll, por muajt e fundit, 20-vjeçari është tashmë një lojtar i rëndësishëm në skuadrën e Ancelottit.
Ai ka qenë gjithmonë i pranishëm për Real Madrid këtë sezon, pasi ka luajtur në 45 nga 46 ndeshjet e tyre. Në gjysmën e dytë të sezonit, ai është bërë titullar i rregullt, pasi i ka lënë përshtypje Carlo Ancelottit me paraqitjet e tij të shkëlqyera.
Gjatë ditëve të tij të para në Real Madrid, Eduardo Camavinga kujtoi përpjekjen që bashkëkombësi i tij Karim Benzema bëri për ta bërë atë të ndihej rehat në mjedisin e tij të ri, sipas RMC Sport.
“Sigurisht që Benzema më ndihmoi dhe më mori nën krahun e tij kur mbërrita. Gjatë fazës para-sezonale më ndihmoi shumë – ishte e mrekullueshme që kishte francezë sepse kur mbërrita, nuk flisja mirë spanjisht. U përpoqa të mjaftohesha me atë pak anglisht që dija. Sigurisht, ai (Benzema) më ndihmoi shumë.”
Benzema ka hasur vështirësi në rigjetjen e formës së tij që e dërgoi drejt Topit të Artë, sezonin e kaluar për pjesën më të madhe të këtij sezoni, pasi ka patur probleme lëndimesh. Megjithatë, ai duket se do të kthehet në formë tani, pasi ka shënuar dy hat-trick radhazi kundër Real Valladolid dhe Barcelonës, dhe Camavinga beson se kapiteni i klubit të tij mund të rifitojë çmimin prestigjoz.
“Asgjë nuk është e pamundur. Nëse ai vazhdon të japë performancat që po jep tani, sigurisht që mund të shkojë dhe të marrë një tjetër Top të Artë”.
Camavinga dhe Benzema do të shpresojnë ta ndihmojnë Real Madridin ta mbyllë sezonin në një nivel të lartë, me sukses në Ligën e Kampionëve dhe Kupën e Mbretit të vendosur nën shënjestër.
Discussion about this post