Si dy ish-rivalë, nuk mund të humbin rastin për të thumbuar njëri-tjetrin edhe kjo mundësi ka ardhur tani që njëri prej tyre ka zgjedhur një aventurë të cilësuar nga shumë në Itali, si “jo të moralshme”.
Fabio Capello, ish-trajner ndër të tjera, i Romës e Juves nuk i kursen kritikat në adresë të Roberto Mancinit, ish-teknik i Lazios edhe Interit, pasi ky i fundit zgjodhi ta vazhdonte karrierën si trajner i Arabisë Saudike duke braktisur Italinë.
Të dy kolegë dhe shumë të suksesshëm madje por debati i ditëve të fundit i ka ndarë dhe Capello është i qartë në këtë pikë duke e thumbuar Mancinin.
“Mancini ka bërë një gabim shumë të madh. Akuzoi presidentin e federatës duke thënë se nuk kishte besimin e tij kur në të vërtetë do të ishte më mirë të kishte thënë se kishte marrë një ofertë shumë të mirë nga Arabia dhe ishte gati ta pranonte.
U fsheh pas fjalëve duke akuzuar Gravinën dhe federatën e gjithë stafin”, tha ish-trajneri.
Në vijim, Capello përqëndrohet te e tashmja dhe e ardhmja, duke nënvizuar se zgjedhja e Spalletit është lëvizja më e mirë e mundshme në një situatë të tillë kaq delikate.
“Jam i kënaqur sepse Italisë i duhej një njeri i tillë pak i çmendur dhe Spalleti është mjaftueshëm i tillë. Emocionet janë të mëdha por edhe dëshira e Spalletit për të bërë mirë. Ai është mësuar t’i çojë skuadra e tij sa më lart që të jetë e mundur dhe unë mendoj që kjo është një zgjedhje shumë e mirë e bërë nga kreu i federatës”, pohoi italiani.
Discussion about this post