Tedi Cara ishte heroi i Partizanit në fitoren që të kuqtë arritën ndaj Teutës. Pas ndeshjes ai foli për emocionet dhe suksesin e duelin e parë të fazës së dytë të kampionatit.
“Kisha besim se do të shënoja, loja ishte e mirë. E kemi nisur jo mirë, pjesa e dytë erdhi në rritje. Në momentin që erdhi goli i barazimit, kisha besim se do ta kthenim ndeshjen.
Mendoj që ndeshjen duhet ta vendosim në kontroll në minutat e para, na ka munguar edhe fati. Sot kemi pasur mundësi, por nuk shënuam dhe kundërshtari në herën e parë na ndëshkoi.
Kam detyrë të ndihmoj ekipin dhe ne të jemi mirë moralisht, pastaj për atë pjesë mendon klubi. Duhet të bëjmë më shumë dhe pjesën e sulmuesve se kë mund të marrin në merkato nuk e di”, u shpreh Cara.
Discussion about this post