Çarja e tubave te ujit në linjën që furnizon zonën e Sanatoriumit është kthyer në shqetësim për banorët e zonës. Ata thonë se nuk kanë furnizim ndërkohë që uji dëmton edhe rrugën e banesat. Qytetarët kanë telefonuar vazhdimisht në ujësjellësin e Bashkisë së Tiranës, por situata e shpërdorimit të ujit nuk ka marrë zgjidhje në një kohë kur shumë zona të kryeqytetit nuk kanë furnizim.
Çarja e tubave të ujit në linjën që furnizon zonën e rrugës “Grigor Cikla” pranë Sanatoriumit ,vijon të jetë shqetësim për banorët. Sipas tyre ky rast tregon qartë shpërdorimin e ujit të pijshëm. Defekti në tubat e ujit ka krijuar edhe problematika të tjera pasi rruga mbushet e gjitha me ujë.
“Ka rrjedhje. Mbajnë edhe lekët për mirëmbajtje linje. Uji rrjedh dhe nuk vjen te banorët. Ata marrin në shtet dhe te firma, marrin edhe 240 në çdo familje” – është shprehur një nga banorët.
Banorët e zonës thonë se janë taksapagues të rregullt dhe për këtë arsye kërkojnë që paratë që i japin bashkisë tu kthehen mbrapsht me shërbime.
