Juventusi u dënua me heqjen e dhjetë pikëve nga Gjykata e Apelit të Federatës Italiane të Futbollit, për shkak të plusvalencave dhe çështjeve financiare me bilancet. Në lidhje me këtë temë, Antonio Cassano ka treguar se “Zonjës së Vjetër” po i bëhet padrejtësi, për mënyrën dhe kohën e emetimit së dënimit.
Për “Bobo TV” me Daniele Adanin e Nicola Ventolan (Vieri mungonte për arsye personale), ish-sulmuesi tha se kjo është një çështje me urdhër nga lart, duke përmendur kreun e Federatës, Gabriele Gravina.
“Kur vjen puna për futboll, unë e sulmoj gjithmonë Mourinhon, por këtë herë ai kishte të drejtë. Nuk ka bërë asnjë gabim dhe ka thënë vetëm realitetin për futbollin tonë. Po bëhen lojëra dhe gjithçka është një budallallëk, e Mourinho ka të drejtë për këtë. Era nuk i vjen nga pas, por po i vjen nga koka. Problemi në Itali është te koka e futbollit.
Nëse je gabim, gjykohu në fund të sezonit dhe jo gjatë tij. Të gjykohesh gjatë sezonit, nuk bën sens. Çfarë po i bëhet Juventusit, është një m**. Nuk i jap alibi Allegrit, të gjithë e dimë këtë por Gravina ka bërë disa gjëra të pështira”, tha mes të tjerash Antonio Cassano.
Discussion about this post