Çekët ndihen me fat për shortin: Mund të shkonte më keq!

Polonia, Shqipëria, Moldavia dhe Ishujt Faroe janë kundërshtarët e Çekisë në kualifikueset e Euro 2024.

Presidenti i Federatës çeke të Futbollit, Petr Fousek ka dhënë një intervistë për mediat ku është shprehur se shorti ishte i favorshëm dhe se më mirë se aq, nuk mund të shkonte.

“Duhet theksuar se objektivi ynë për të kaluar në Kampionatin Europian mbetet një prioritet i padiskutueshëm. Shorti ishte relativisht i favorshëm për ne. Mund të kishim përballur një kundërshtar shumë më të ashpër nga vazoja numër një, tre dhe katër. Mendoj se duhet të jeni të kënaqur.

Nuk dua të nënvlerësoj asnjë nga kundërshtarët, por në këtë grup thjesht nuk mund të kemi qëllim tjetër përveç avancimit. Jam i bindur se jemi të aftë ta luajmë në fushë dhe se vetëm ne mund t’ja prishim punën vetes” , tha ai.