Skandali me mesazhin e deputetit socialist Bujar Çela që uroi Ditën e Flamurit me foton e diktatorit Enver Hoxha, ka qenë në qendër të polemikave në Komisionit të Sigurisë.
Deputeti demokrat Evrin Salinaji ka kërkuar që deputeti të kërkojnë ndjesë për fyerjen e viktimave të komunizmit dhe kolegët e tij të distancohen nga ky veprim.
“Të distancoheni për fyerjet e viktimave të komunizmit. Duhet të kërkoni ndjesë fillimisht dhe më pas vazhdojmë me rendin e ditës. A keni ju distancim apo ndjesë si kryetar”, tha Salianji.
Nga ana tjetër, socialisti Nasip Naço tha se pas komenteve të shumta ka përjashtuar nga grupi Çelën dhe do të thirret Komisioni i Etikës për të gjykuar veprimin e tij.
“Unë u përpoqa të fshija të gjitha komentet. Në momentin që nuk arrita të fshija të gjithë komentet e kam nxjerrë nga grupi. Me pas do të bëhet një koment në Komisionin e Etikës dhe më pas mund të merret ndonjë lloj vendimi. Kështu që kjo nuk ka të bëjë me procedurën. Por pa dëgjuar atë zotërinë e Komisionit të Etikës nuk kam çfarë bëj unë. Sa më takon mua kam bërë tërheqje vëmendje edhe pse deputeti socialist nuk është anëtar i këtij komisioni”, u shpreh Naço.
Më herët, kjo teme u diskutua dhe te Komisioni i Edukimit, ku deputetët e opozitës e konsideruar si veprim të qëllimshëm.
Discussion about this post