Policia e Vlorës ka vënë në pranga tre persona për vepra të ndryshme penale. Sipas njoftimit, është arrestuar një 25-vjeçar, banues në lagjen “Isa Bolentini”, Vlorë, pasi gjatë kontrollit fizik iu gjet dhe iu sekuestrua në cilësinë e provës materiale një sasi lënde bimore e dyshuar cannabis sativa.
Gjithashtu, është proceduar procedua penalisht për veprën penale “Kalimi i paligjshëm i kufirit shtetëror”, një 35-vjeçar, pasi dyshohet se ka kaluar kufirin në mënyrë të paligjshme.
Po ashtu, është nën hetim për veprën penale “Shkelja e rregullave të mbrojtjes në punë”, personi me iniciale K. J, përgjegjës në një firmë ndërtimi, pasi në vendin e quajtur “Katër Topat”, Vlorë, është dëmtuar gjatë kohës që ka qenë duke punuar, një punëtor, i cili ndodhet jashtë rrezikut për jetën.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
Discussion about this post