“E respektoj qeverinë dhe opozitën, por të shihet bashkëpunimi para konfliktit”. Ky ishte mesazhi i Bajram Begajt në fjalimin e tij pasi u betua në parlament si presidenti i ri i Shqipërisë. Në postin e kreut të shtetit do të zëvendësojë Ilir Metën. Pas betimit në parlament, në orën 19.30 është parashikuar ceremonia e dytë, ajo në ambientet e Presidencës, aty ku bëhet dorëzimi i detyrës nga Presidenti aktual, Ilir Meta, tek Presidenti i ri Begaj.
Në mënyrë simbolike kryetarja e Gjykatës Kushtetuese, Vitore Tushaj, do i dorëzojë Presidentit Begaj, kushtetutën e vendit, ceremonial që do të shoqërohet me 21 të shtëna topi. Ndërkohë, në rrugën që lidh sheshin “Skënderbej” me atë “Nënë Tereza” janë vendosur flamujt e Shqipërisë.
Në seancë pritet të marrin pjesë të gjitha grupet parlamentare, përveç deputetëve të Sali Berishës. Me anë të një reagimi, Rithemelimi ka konfirmuar se nuk do të jetë pjesë e seancës pasi e cilëson ditë fatkeqësie për demokracinë. Partia Demokratike duket se do të jetë e përçarë edhe në inaugurimin e Presidentit të ri. Gijotina.com raportoi dje se ‘grupi i Alibeaj’ do të marrë pjesë në seancë, ndërsa ‘Rithemelimi’ i Sali Berishës do të bojkotojë ceremoninë e betimit të kreut të ri të shtetit.
Bajram Begaj do të jetë kreu i ri shtetit për 5 vitet e ardhshme. Presidenti i 8-të i Republikës së Shqipërisë në Pluralizëm.
Pas Alfred Moisiut, ai është kreu i dytë i shtetit që vjen nga Forcat e Armatosura.
Bajram Begaj ka shërbyer 31 vite në ushtri, ndërsa ka përfunduar studimet ushtarake si dhe një sërë specialitetesh të tjera, duke u emëruar edhe shef i Shtabit të Forcave të Armatosura në 29 korrik të vitit 2020.
Më 3 korrik të atij viti ai ka marrë edhe gradën gjeneral major me dekret të Ilir Metës, i cili këtë dielë i liron e zyrën e Presidentit.
Më gradën Gjeneral, Begaj ka lindur në 20 mars 1967 dhe është i lindur në qytetin e Rrogozhinës.
Para marrjes së rolit të shefit të shtabit ai shërbeu si Komandant i Komandës së Trajnimit dhe Doktrinës, Shef i Njësisë Mjekësore Ushtarake, Drejtor i Inspektoratit Shëndetësor dhe Kryeinspektor dhe Këshilltar i Inspektoratit Shëndetësor në Shtabin e Përgjithshëm të Forcës së Armatosur Shqiptare.
Po ashtu ka përfunduar studimet në Fakultetin e Mjekësisë në Degën Mjekësi e Përgjithshme në vitin 1989 dhe është titulluar oficer aktiv në specialitetin ‘Mjekësi” në vitin 1998.
Bajram Begaj mori besimin e 78 deputetëve, nga 83 deputetë të pranishëm në votimin e 4 qershor
Discussion about this post