Shtyhet sërish gjyqi ndaj deputetit të PD-së Ervin Salianji dhe gazetari Jetmir Olldashi për të ashtuquajturën çështjen “Babale”.
Në njoftimin e shpërndarë për mediat thuhet se seanca e sotme nuk do të zhvillohet për arsye se avokati mbrojtës i të akuzuarit tjetër për çështjen “Babale”, Jetmir Olldashi ka depozituar pranë sekretarisë një raport mjekësor për paaftësi të përkohshme për punë.
Ndërkohë trupi gjykues nuk mund të formohet për shkak të mungesës së njërit prej anëtarëve. Seanca në lidhje me çështjen Babale ishte parashikuar në datë 18 Korrik por u shty për shkak të kërkesës së palës mbrojtëse në proces.
Discussion about this post