Ministrit i Jshtëm grek Nikos Dendias ka reaguar në lidhje me vendimin e Gjykatës së Gjirokastrës, e cila nuk ka pranuar kërkesën e prokurorisë për pushimin e hetimeve për vdekjen e Kostandin Katsifas në fshatin Bularat të Gjirokastrës, por ka vendosur kthimin e çështjes duke urdhëruar kryerjen e disa veprimeve të tjera hetimore sipas parashikimeve ligjore.
Përmes një deklarate në mediat greke, Dendias ka deklaruar se situata është nënmonitorim nga ata dhe këtu i ka bërë thirrje Ambasadës Greke në Shqipëri, duke i thënë të kujdeset që ngjarja të vazhdojë në mënyrë ligjore me procedura të rregullta
“Ata nuk mund ta bëjnë atë ose ta vërtetojnë atë. Më 12/4/2021 Prokurori i Gjirokastrës foli për vetëvrasje, as familja as kryetari i gjykatës nuk e pranuan atë. Që në momentin e parë kërkojmë publikimin e videos së RENEA-s. Dhe nëse një në një milion shqiptarë kanë të drejtë, ne do të kërkojmë falje. Por duhet të bëjnë publike. Nuk është e mundur të kryesh vetëvrasje me dy plumba në zemër. Është vrasje. Ai as vrapoi as nuk u largua, ishte i paarmatosur. Ai u vra nga dhjetë metra larg. Nuk ka krim më të rëndë se ky “, ka deklaruar Vangelis Sakellarakis , dhëndri i Konstantinos Katsifas.
Familja e 35-vjeçarit kërkon mbështetjen e Greqisë për të mos mbuluar rastin, pasi viktima ishte gjithashtu një shtetas grek dhe sipas tyre humbi jetën duke mbrojtur të drejtën për të ngritur flamurin grek.
‘Protothema’ ka publikuar gjithashtu prononcimin e njërit prej familjarëve të Katsifas, i cili akuzon autoritetet se që nga viti i kaluar janë përpjekur për ta bërë të duket si vetëvrasje.
