Çfarë dhurate të madhe pret Rama në 4 korrik? Berisha: Pret thirrjen nga…

Ish-Kryeministri Sali Berisha paralajmëroi veprime në ngarkim të Kryeministrit Edi Rama në muajin korrik nga autoritetet amerikane.

Berisha nuk specifikoi se çfarë veprimesh mund të ndërmerreshin, port ha se Rama do të shkojë atje ku e ka vendin.

Berisha iu përmbajt deklaratave të mëparshme se ka avancime të hetimeve nga autoritetet amerikane për çështjen “McGonigal”.

“Gjasat janë që në korrik të shkojnë atje ku e meriton. Ai (Rama) është në hetim të hapur penal për aferën McGonigal.

I është rënduar situata, aq më tepër për bashkimin e çështjes shqiptare me çështjen ruse. Kjo është tmerrësisht e hidhur se ajo ishte çështje ryshfeti. Aty te ryshfeti mund të shkonte pesë, gjashtë vjet… Se vetëm për 70 mijë dollarë janë një grek dhe një shqiptar të dënuar për fotografinë e tij (me ish-Presidentin Obama), njëri katër, tjetri pesë vite”, tha Berisha.

Gjatë debatit në emisionin “Publikisht” në RTSH, Berisha theksoi se “të dhënat që vijnë është se ky (Rama) i ka punët shumë keq, i ka pisk se është nën hetim penal”.

Komentit se “Rama ka deklaruar se pret një dhuratë të madhe më 4 korrik”, kryedemokrati iu përgjigj: “Ai pret thirrjen”.