Ministri i Drejtësisë, Ulsi Manja, dha sot përgjigjen që të gjithë e prisnim për procesin e vettingut. Gjatë fjalës në Kuvend ai theksoi disa herë se një ndër prioritetet e qeverisë ‘Rama 3’ do të jetë reforma në drejtësi. Ndërsa pyetjes së një deputeti për mandatin e anëtarëve të KPK-së dhe të Komisionerëve Publikë, tha se do kërkohet që të shtyhet mandati i tyre.
Ky vendim po pritej me kureshtje nga të gjithë, pasi sikur përcakton Kushtetuta në korrik të vitit 2022, KPK dhe Komisonerit Publik i përfundon mandate për drejtimin e vettingut dhe në këto kushte kompetencat i kalojnë KLP dhe KLGJ. Por qeveria ka vendosur që të bëjë disa ndryshime në këtë nen dhe të bëhet shtyrja e afatit për KPK. Kjo do të thotë se shumë shpejt do të kemi përplasje të forta për drejtësinë, sepse ndërhyrjet në kushtetutë kërkojnë kohë, por edhe dakordësinë e të dyja palëve politike, çka në Shqipëri arrihet me vështirësi.
“Në paraqitjen e programit të qeverisë ‘Rama 3’, reforma në drejtësi dhe konsolidimi i këtij sistemi dot ë vazhdojë që të jetë në top-listën e prioriteteve. Mandati i organeve të vettingut është mandat kushtetues. Kushtetuta e ka përcaktuar që 3 organet e vettingut të kenë mandatet e tyre kushtetuese. Mandati i organeve të vettingut mbaron më 17 qershor. Mbeten në proces 370 subjekte për vetting. Ne do të kërkojmë ehe konsensusin e opozitës që mandati i KPK dhe i Komisionerëve Publike të zgjatët deri në përfundim të procesit të vettingut. Është mandat kushtetues dhe zgjatja e mandatit kërkon ndërhyrje në Kushtetutë”, tha Manja.
Sipas tij çdo hap në këtë sektor do merret me kujdes dhe transparencë. / A.L gijotina.com /
