Sigurisht në çdo shtëpi ka vezë që kanë mbetur nga e diela e Pashkëve. E mira është se ato mund të ruhen për disa ditë dhe javë, kështu që ajo që u mungon shumicës është ideja. Italianët i përdorin në byrekë dhe tarte me perime pranverore, kryesisht angjinare dhe shparg.
Më poshtë do të gjeni disa mënyra për të përdorur vezët që ju kanë mbetur.
Sallatë me vezë pikante
Qëroni dhe copëtoni 6 vezë të ziera. Hidhni në një enë 1 filxhan majonezë, 1 lugë mustardë, mundësisht pikante, 2 turshi të grira hollë dhe 1 qepë mesatare të grirë. Kriposeni, përzieni dhe shërbejeni në një enë duke e shoqëruar sallatën me pak vaj ulliri dhe majdanoz të grirë.
Sallatë spageti me vezë
Zieni ½ pako makarona në formë të vogël dhe kullojini. I lëmë të ftohen dhe i hedhim me pak vaj luledielli që të mos ngjiten. Hidhni piper, dy qepë të freskëta, 1 lugë gjelle kaperi dhe 10 ullinj. Hidhni në një enë një filxhan kos, një filxhan majonezë, pak vaj ulliri, perimet e grira dhe përzieni. Shtoni makaronat, kripën dhe piperin dhe mjaftueshëm kopër të grirë.
Hidheni sallatën në një tas dhe vendosni mbi sallatë 6 vezë të ziera të prera në feta. Dekoroni me pak kopër. Si të gjitha sallatat, duhet t’i përgatisni pak para se t’i shërbeni në mënyrë që makaronat të mos zbuten.
Për sanduiç
Hidhni në mikser një pako (200 gr) krem djathi, 3 vezë të ziera të grira, 2 lugë gjalpë, 1 lugë kaperi, 2 lugë majdanoz të grirë dhe kripë. Me këtë masë që formohet, mund të lyeni sanduiçin. Mbajeni të mbuluar në frigorifer për 2-3 ditë.
Vezë pikante të mbushura
Pritini 8 vezë në gjysmë dhe hiqni të verdhat me kujdes pa dërrmuar të bardhat. Hidhni në një enë të verdhat, 3 lugë majonezë, 1 lugë çaji pluhur mustardë, disa pika salcë gouache dhe 1 qepë të grirë. Përziejmë masën dhe e ndajmë përgjysmë me të bardhat e vezëve me lugë të vogël. Pritini rripa të holla të ftohta (proshutë ose sallam ) dhe vendosini sipër vezëve. Dekoroni me gjethe majdanozi.
Discussion about this post