Sekretari Amerikan i Shtetit, Antony Blinken ka konfirmuar se Shtetet e Bashkuara të Amerikës u kanë dhënë dritën jeshile vendeve anëtare të NATO-s që t’i japin avionë luftarakë Ukrainës.
Deklarata e Blinken erdhi një ditë pas kërkesës së bërë nga presidentin ukrainas Volodymir Zelensky drejtuar Kongresit.
“SHBA u ka dhënë “dritën jeshile” vendeve të NATO-s nëse ata zgjedhin t’i ofrojnë avionë luftarakë Ukrainës, një ditë pasi Presidenti Zelensky bëri një lutje për anëtarët e Kongresit që t’i siguronin ato gjatë një telefonate të së shtunës në Zoom”, ka shkruajtur Blinken.
Ai po ashtu është shprehur se ukrainasit kanë një plan për vazhdimësinë e qeverisjes nëse presidenti ukrainas Zelensky vritet.
“Ukrainasit kanë plane, për të cilat unë nuk do të flas, ose nuk do të hyj në ndonjë detaj për t’u siguruar që ka vazhdimësi të qeverisë në një mënyrë apo tjetër dhe unë do ta lë me kaq”, tha Blinken.
Blinken gjithashtu komplimentoi Zelenskyn për udhëheqjen e tij gjatë kësaj krize.
“Lidershipi që ka treguar presidenti Zelensky dhe e gjithë qeveria, është i jashtëzakonshëm, ata kanë qenë mishërimi i këtij populli jashtëzakonisht të guximshëm ukrainas”, tha Blinken.
Sipas disa raportimeve, Zelensky iu ka mbijetuar tri herë atentateve.
Discussion about this post