Pas ndeshjes Serbi-Zvicër që solli shumë emocione në Kampionatin Botëror “Katar 2022” për shkak të triumfit të Xhakës dhe Shaqirit që mposhtën kundërshtarët me rezultatin 2-3, ka reaguar dhe moderatorja Arbana Osmani. Ajo kujtoi episodin e 14 tetorit të vitit 2014, ku në sfidën Shqipëri-Serbi u valëvit flamuri “Authoctonus”, duke e ndërthurur me një pjesë nga filmi më i ri i partnerit të saj, regjisorit Eduard Grishaj.
Por pas këtij postimi, Arbana është përballur me akuzat e ndjekësve të cilët e quajnë mendjemadhe.
“Filmi shumë i bukur, por para dhe mbas premierës në Londër u afruam për të bërë një foto me ju, por na ikë dy herë dhe s’na e dhe mundësinë”.
Por Arbana e ka mohuar menjëherë duke thënë se kanë qenë aty deri në fund.
Më poshtë një tjetër ndjekëse bie dakord me komentuesen e parë.
“Faktikisht ka të drejtë. Kam rastisur dy herë afër teje dhe të dyja herët ke qenë shumë e ftohtë, madje mund të them mendjemadhe.
Zhgënjim total nga ç’të shohim në ekran. Gjithsesi shpresoj të kenë qenë thjesht çastë të gabuara në ditë të gabuara”, shkruan ndjekësja.
Discussion about this post