Ilir Shaqiri dhe Donald Veshaj janë dy nga banorët e “Big Brother VIP”, të cilët kanë pasur një histori të gjatë debatesh, por në fund, çdo gjë mes tyre përfundoi mirë.
Madje duket se marrëdhënia e tyre po shkon aq mirë brenda shtëpisë më të famshme në Shqipëri, sa ata kanë filluar të gjejnë një gjuhë të përbashkët.
Balerini i dedikoi një falënderim Donaldit në kartolinën e tij për “Ditën e Falënderimeve” dhe banorët i duartrokitën fjalët e tij.
“Njeriu që ka nxjerrë anët time më të keqe në shtëpi është Donaldi. Është Donaldi sepse… por duhet ta falënderoj sepse kuptoi që nga fjalët kot mund të preken gjërat më të shtrenjta që ne kemi jashtë mureve të shtëpisë. Gjithashtu e falënderoj sepse kur njerëzit janë të mirë mund të fillojnë nga e para” – tha Iliri.
Ndërkohë, të dy ata përfliten kudo, edhe nga ish-banorë, si dy nga pretendentët kryesorë për të fituar çmimin e madh.
Discussion about this post