Pas Juventus, Guardia di Finanza ka bastisur edhe zyrat e Inter, si pjesë e një hetimi për kontabilitetin e rremë.
Interi bëri me dije në një reagim në faqen zyrtare se dokumentet e kërkuara prej tyre kishin të bënin me shitjen e lojtarëve në sezonet 2017-2018 dhe 2018-2019.
“Kërkesa është bërë nga Zyra e Prokurorit Publik të Milanos për të verifikuar që fitimet përkatëse kapitale janë regjistruar në mënyrë korrekte në llogari. Pasqyrat financiare të klubit janë hartuar në përputhje me parimet më rigoroze të kontabilitetit.”-njoftoi klubi ‘Ziklaltër’
Më tej klubi italian shtoi: “Asnjë punonjës i Interit nuk po hetohet. Nuk ka asnjë akuzë. Siç thuhet në njoftimin e Prokurorisë Publike, këto janë hetime paraprake”.
Rikujtojmë që autoritetet italiane kishin bastisur zyrat e Juventus muajin e kaluar për të mbledhur informacion mbi transferimet e lojtarëve dhe marrëveshjet e agjentëve nga 2019-2021./K.T/Gijotina.com
Discussion about this post