Armando Broja nuk u aktivizua në ndeshjen e kombëtares shqiptare ndaj Çekisë në “Air Albania”, ndërsa tekniku i kuqezinjve Sylvinho tha se fatkeqësisht nuk ia dolëm dot për rikuperimin e sulmuesit, i cili zhvilloi dy seanca stërvitore dhe u largua dy ditë pas grumbullimit të futbollistëve.
Por sulmuesi 22-vjeçar është bashkuar me ekipin e Chelsea në seancën e fundit stërvitore, ndërsa raportohet se do të jetë i gatshëm për sfidën e rradhës së bluve të Londrës ndaj Arsenalit.
E gjitha kjo ka ngritur pikëpyetje mbi vetë futbollistin, për të cilin kishte një pritshmëri dhe interesim të lartë të tifozët dhe sportdashësit.
Nëse ai është rikuperuar dhe është i gatshëm për tu aktivizuar me Chelsea në ndeshjen e rradhës, fare mirë sulmuesi mund të bashkohej me ekipin kombëtar në miqësoren ndaj Bullgarisë. Në këtë mënyrë ai mund të përshtatej me skemat e kombëtares dhe të ishte një aset në dy takimet e fundit të kuqezinjve, ndaj Moldavisë dhe Ishujve Faroe.
Nuk dihet se çfarë po ndodh me futbollistin 22-vjeçar, por të gjithë pikëpyetjet dhe dyshimet bien mbi të…
Discussion about this post