Një dron është rrëzuar në oborrin e një shtëpie, përpara një makine në lagjen Bair në Mitrovicë gjatë ditës së sotme.
Ende nuk dihet se nga kush është lëshuar ky dron, ndërsa Policia e Kosovës nuk ka dhënë detaje lidhur me rastin.
Sipas fotografisë droni nuk është i thjeshtë dhe në të ka disa pajisje vëzhguese.
Pronari i shtëpisë ku ka rënë droni, ka thënë para mediave se droni kishte krahët rreth tri metra. Ai deklaroi se pasi ka rënë droni janë afruar dhe kanë vërejtur se në të janë disa numra.
“Vetëm numra ka pasur, krahët i ka pasur rreth tri metra. E ka pasur një zhurmë kur ka rënë, pastaj ia kemi largu bateritë”, tha ai para mediave.
Ndërkaq, siç mësohet Policia tashmë ka shkuar në vendin e ngjarjes.
Discussion about this post