Kreu i Partia e Lirë ka folur sot në lidhje me planet që ka opozita për në shtator, duke mos humbur rastin te kritikojë ashpër qeverinë. Ai tha se SPAK ka nisur hetime të ndikuara nga Rama, prandaj edhe kandidatët e PS të inkriminuar lëvizin të lirë dhe marrin pjesë në zgjedhje. Gjithsesi ai garantoi se PL do të vazhdojë me aksionin antikorrupsion, me fakte të reja në shtator.
“SPAK nuk ekziston pa partinë. Të kërkoje në të gjitha bankat e botës për lobim, DASH e ka gjithçka, çdo gjë tjetër është një shërbim ndaj Ramës për të shmangur vëmendjen nga faktet e depozituara nga PL në SPAK për të. Asgjë nuk e ndal revolucionin anti-korrupsion, për të gjitha aferat, e Durrësit ku janë mbi 5 miliardë euro dëm për shqiptarët e të tjera që do të dalin në shtator”, tha ai.
Sakaq, ai tha se në shtator PL po përgatit të raportojë dhe denoncojë disa afera të tjera, që janë fshehur mirë deri më sot.
Discussion about this post