Sot kryebashkiaku Erion Veliaj ka gënjyer pwrswri në lidhje me arrestmin e tij. Sipas pretendimeve të kryebashkiakut u arrestua se prokurorët dhe gjyqtarët kishin frikën se mos largohej nga vendi.
Por kjo është një tjetër gënjeshtër e kryebashkiakut të arrestuar të Tiranës për korruspion dhe pastrim parash.
Në fakt thelbi pse është arrestuar Erion Veliaj nuk është se ikte apo jo, se për të ikur nuk kishte ku shkonte, por sepse po prishte provat.
Ai dhe bashkëpunëtorët e tij kanë prishur provat.
Mjafton të shohësh sjelljen që ka në qeli, ku dyshohet se mban dhe telefon, gjuhën, sharjet, fyerjet dhe intimidimet që përdor ndaj prokurorëve dhe gjyqtarëve, imagjino çfarë mund t’u bëjë dëshmitarëve Erion Veliaj nëse është i lirë me bashkëpunëtorët e tij si në rastin e Klotilda Bushkës por dhe në raste të tjera me dirigjencë, me dhunë mediatike, fyerje ndaj prokurorit Ols Dado dhe gjyqtarit Erjon Bani në mënyrë të dhunshme për të trembur prokurorë dhe gjyqtarë para çështjes së Apelit.
Reagimi i Veliajt
Se mos prishen lodrat!
Më ka marrë malli pa fund për ju të gjithë: Familjen, Tiranën e secilin që bën punë të mira në këtë vend.
Por, gjer sa të shihemi sërish, më duhet të vazhdoj çmontimin e kurthit pse jam në burg: rrezik ikje, prishje provash, rrezik shoqëror.
Dje rrëzova “frikën e ikjes” prej Ols Dados e Erion Banit, pasi kisha ikur 3 herë e isha kthyer 3 herë, teksa gatuhej çarku ndaj meje.
Arsyeja e dytë pse gjykatësi Bani pranoi nga Olsi burg për mua, është rreziku i prishjes së provave. Po cilat prova do prish unë? Celularët i ka Olsi, timin dhe të nja 10 grarive në Tiranë, me të cilët mund të vojerizojë gjithë ditën e gjithë natën, të shohë çdo foto familjare, bebet, kërthizën, dhëmbin e parë, videot e fjalëve të para, fotot me gjyshin e ndjerë në plazh; të gjitha provat e nevojshme për ku e si jetojmë.
Cilat prova do të prish unë?
Kanë edhe lodrat e fëmijëve dhe ish makinën e vjehrrit. Ç’a halli kanë? Mos do vete do formoj legot, e nga traktor do bëj vapor lodër, apo do marr makinën e Ben Xoxës e do e djeg në Fushë-Krujë a Mumajes si mjet i krimit?
Çfarë provash do prish?
Do vete në Yrshek të nxjerr fakirin nga shtëpia një katëshe apo do fshij statuset për balerinët e Preljocajt?
Boll u bëtë qesharakë! Po i thoni miletit se po punove do ta hash, po pate kurajo do dënohesh, po solle progres do të bëjnë gjëmën, po fitove do të të shqyejmë.
Olsi Dado dhe Erion Bani, ju mendoni se jeni më të lirë se unë në burg, por ju burgun e keni në shpirt e njerëz të lirë nuk keni qenë kurrë!
Përqafime të gjithëve!
Discussion about this post