Çfarë vendimi do marrë Kushtetuesja për Butrintin? Zhupa: S’tërhiqemi

Edhe pak momente ndajnë nga vendimi i shumëpritur juridik dhe ligjor.

Ndërsa pritet të nisë seanca gjyqësore për çështjen e teatrit të Butrintit në Gjykatën Kushtetuese, deputetja Ina Zhupa ka deklaruar para këtij institucioni se shpreson të merret vendimi i duhur dhe të mbrohen interesat kombëtare.

“Nëse Kushtetuesja bën interesat që i interesojnë një shteti tjetër, atëherë Butrinti rrezikon territorin… Butrinti në këtë koncesion cënohet se nuk do jetë më pozita e tij në UNESCO. Rasti që solli Kuvendi, ku tha se në Drezen është ndërtuar pavarësisht që ishte në UNESCO por harroi që pasi ndodhi kjo u hoq nga UNESCO.

Ne kemi besim tek gjykimi kushtetues, pavarësisht kërkesës që kemi bërë për përjashtimin e 3 gjyqtarëve. Besoj se Gjykata do qëndrojë në standardin që ka krijuar vetë. Ne nuk do tërhiqemi dhe do ndjekim çdo hap institucional, brenda dhe jashtë vendit”, u shpreh Zhupa.