Interi dhe Bajerni i bashkohen Barcelonës në fazën çerekfinale. Ziakltërit ashtu si në takimin e parë në Holandë, kanë mposhtur edhe në “San Siro” Fejnordin me rezultatin 2-1.
Skuadar e drejtuar nga Simone Inzagi kaluan në avantazh pas 7 minutash lojë. Ishte Markus Turam që bëri vetë gjithçka bukur dhe shënoi një gol vërtet fantastik.
Holandezët barazuan shifrat në minutën e 42 me Moder nga pika e bardhë e penalltisë, e fituar nga vetë ai, pasi u desh edhe ndërhyrja e VAR-it.
Në minutën e 51, Hakan Çalhanoglu i dha fitoren dhe kualifikimin Interit. Turku u tregua i saktë nga pika e bardhë e penalltisë në minutën, e fituar nga Taremi, i cili u pengua brenda zonës nga kundërshtari.
Në minutën e 63, Kristjan Asllani u ndëshkua me karton të verdhë dhe humbet kështu duelin e parë të fazës çerekfinale.
Në “Bay Arena”, Bajerni i Mynihut ka mposhtur me rezultatin e pastër 0-2 Bajer Leverkusen.
Bavarezët zhbllokuan ndeshjen falë të zakonshmit Herri Kejn. Xhoshua Kimish asistoi direkt nga goditja e dënimit, sulmuesi anglez përfitoi nga përgjumja e mbrojtjes vendase dhe dërgoi topin në rrjetë.
Në minutën e 71, Alfonso Devis vulosi shifrat përfundimtare në 0-2.
Në çerekfianle, Bajerni i Mynihut do të ndeshet me Interin.
Në “Anfield Road”, PSG mposhti Liverpulin me rezultatin 0-1, duke e dërguar ndeshjen në shtesë. Një kundërsulm i shpejtë i francezëve, me një kombinim të bukur Barkola-Dembele dhe një moskuptim mes portierit Alison dhe mbrojtësve të tij, u shfrytëzua në mënyrën e duhur nga Dembele në minutën e 12 të takimit.
Discussion about this post