Gara më prestigjoze evropiane për klube, Liga e Kampionëve e nis sot fazën e grupeve me tetë ndeshje tejet interesante që do të zhvillohen në mbrëmje.
Padyshim që ndër më interesante do të jetë ballafaqimi ndërmjet Milanit dhe Newcastle United që zhvillohet në “San Siro” me fillim nga ora 18:45. Milani vjen nga humbja turpëruese 5-1 kundër Interit në derbit, ndërsa nga ana tjetër, skuadra angleze po kërkon të tregojë forcat edhe në garat evropiane pas investimeve të mëdha të bëra nga sheikët arab.
Nga ora 18:45 do të zhvillohet edhe ndeshja tjetër, ajo e grupit ku ballafaqohen Young Boys me RB Leipzigun.
Ndërsa në mbrëmje në orën 21:00, do të luhen 6 sfidat e tjera, ku padyshim spikat dueli PSG-Dortmund. Një përballje, e cila pritet të jetë shumë e luftuar.
Në fushë do të zbresin edhe kampionët në fuqi, Mançester Siti i cili pret Crvena Zvezda. Barcelona do të përballet me Antverp dhe Atletiko Madrid do të sfidojë Lacion e Elseid Hysajt.
Discussion about this post