Real Madrid synon të sigurojë biletën për në çerekfinalet e turneut në duelin e sotëm përballë Liverpool.
Djemtë e Ancelottit mund të mbështeten në rikthimin e sulmuesit të tyre kryesor Karim Benzema, i cili nuk u aktivizua ndaj Espanyol në fundjavë, si masë paraprake.
Nuk priten shumë ndryshime në kampin “merengue” me teknikun italian, që pritet t’i besojë protagonistëve të zakonshëm, me Courtois në portë, në mbrojtje, do të startojnë Carvajal në të djathtë, Militao dhe Rudiger në qendër, Nacho në të majtë.
Mesfusha do të përbëhet nga Kroos, Modric dhe Tchouameni, ndërsa sulmi nga treshja Benzema, Vini jr. dhe Valverde.
Për të tentuar misionin “comeback”, Liverpool i Jurgen Klopp, pritet të rreshtohet me një 4-2-3-1 shumë sulmues.
Alisson, është i sigurt për vendin e titullarit në portë. Alexander-Arnold, Van Dijk, Konate dhe Robertson, pritet të startojnë në mbrojtje.
Digat para mbrojtjes, pritet të jenë, Fabinho dhe Keita, ndërsa Salah, Jota dhe Nunez kanë objektiv të çajnë mbrojtjen madridiste me Gakpo që është i parashikuar ta nisë si sulmues kryesor këtë takim.
Takimi pritet të startojë në 21:00.
Real Madrid
Courtois; Carvajal, Militao, Rudiger, Nacho; Modric, Tchouameni, Kroos; Valverde, Benzema, Vinicius Jr.
Liverpool
Alisson; Alexander-Arnold, Konate, Van Dijk, Robertson; Fabinho, Keita; Salah, Jota, Nunez; Gakpo.
Discussion about this post