Champions/ Napoli synon historinë, ja formacionet e mundshme

UEFA Champions League rikthehet sonte me dy duelet e para të raundeve të dyta të fazës çerekfinale. Në sfidat që pritet të startojnë në orën 21:00, çdo gjë është e hapur për sa i përket çështjes së kualifikimit.

Në Londër, Chelsea është i detyruar të përmbysë një disavantazh prej dy golash përballë Kampionëve në fuqi të Europës, Realit të Madridit.

Djemtë e trajnerit Frank Lampard, vijnë në këtë sfidë pas përformancës së dobët në ndeshjen e fundjavës, në Premier League, ndaj Brighton (të humbur 1-2).

Nga ana tjetër, Real Madrid i Carlo Ancelottit është në një moment forme shumë të mirë, duke parë që vjen në këtë sfidë pas fitores bindëse 2-0 përballë Cadiz.

Për sa i përket lojtarëve që do zbresin në fushë, në mbrëmjen e sotme, të dyja skuadrat pritet të aktivizojnë titullarët absolutë, sidomos Chelsea, që sonte nuk ka më asgjë për të humbur.

Formacionet e mundshme:

CHELSEA: Kepa; James, Fofana, Silva, Cucurella; Fernandez, Kante, Kovacic; Mudryk, Havertz, Felix

REAL MADRID: Courtois; Carvajal, Militao, Alaba, Camavinga; Modric, Valverde, Kroos; Rodrygo, Benzema, Vinicius Jr

Sida tjetër e mbrëmjes, pse jo më e nxehta, është derbi italian mes Napolit dhe Milanit (sfida e parë mes dy skuadrave ka përfunduar 1-0 për Milanin). Kampanët kërkojnë historinë në duelin që do të luhet në stadiumin “Maradona”.

Për Napolin, në rast kualifikimi, do të ishte gjysmëfinalja e parë e Champions. Për këtë arsye, Spalletti dhe banda e tij, me në krye, të rikthyerin Victor Osimhen, pritet të japin “120%” për të arritur një sukses historik. Megjithatë, Milani ka nga ana e vet historinë dhe “peshën e fanellës”.

Pioli nuk e nënvlerëson aspak kundërshtarin si dhe është i vetëdijshëm se për të mbajtur rrjetën të paprekur në stadiumin e Napolit është shumë e vështirë, sidomos ndaj ekipit që po dominon në Serie A.

Duhet thënë ama, se kuqezinjtë kanë dhe avantazhin e të përballurit me një skuadër të copëtuar në mbrojtje për shkak të pezullimeve.

Napolit i mungojnë, mbrojtësi kryesor, Kim Min Jae, i cili ka plotësuar numrin e kartonëve të verdhë në takimin e parë si dhe Anguissa, i ndëshkuar me dy të verdha në San Siro gjatë sfidës së vajtjes.

Formacionet e mundshme:

NAPOLI: Meret; Di Lorenzo, Rrahmani, Jesus, Rui; Ndombele, Lobotka, Zielinski; Lozano, Osimhen, Kvaratskhelia

AC MILAN: Maignan; Calabria, Kjaer, Tomori, Hernandez; Krunic, Tonali; Diaz, Bennacer, Leao; Giroud

/m.b. /gijotina.com