UEFA Champions League rikthehet mbrëmjen e sotme me takimet e kthimit të fazës 1/8 me të katër ekipet akoma me përqindje të madhe mundësish për të kaluar më tej. Benfica, pavarësisht avantazhit prej dy golash të akumuluar në Belgjikë, nuk mund të zbresë në fushë e relaksuar ndaj Club Brugge.
Roger Schmidt do të zbresë në fushë me rreshtimin 4-2-3-1. Në portë do të jetë Vlachodimos, në mbrojtje, sipas raportimeve, pritet të startojnë, Bah, Antonio Silva, Otamendi dhe Grimaldo. Reaparti i mëzit të fushës, do t’i besohet, Aursnes, Florentino në qendër ndërsa Nerez dhe Mario do të luajnë nga krahët me Silvan që do të aktivizohet si trekuartist. I ngarkuar me detyrën e të shënuarit të golave, do të jetë Gonçalo Ramos.
Nga ana tjetër, belgët, edhe pse jo favorit, në letër, nuk dorëzohen lehtë me trajnerin e tyre, Scott Parker që është shprehur se do të bëjnë të pamundurën për të kaluar në fazën tjetër të turneut.
Rreshtimi i ekipit “Zikaltër” pritet të jetë po ashtu 4-2-3-1, me Mignolet në portë që do të ketë mbështetje në ruajtjen e katërkëndëshit, nga Mata, Sylla, Mechele dhe Meijer. Në mesfushë priten të jenë titullarë, Odoi, Onyedika, Buchanan, Lang dhe Vanaken. Në sulm, do t’i besohet katalanasit Jutgla.
Takimi tjetër i mbrëmjes është ai që vendos përballë, Chelsea dhe Borussia Dortmund. Londinezët, të motivuar nga fitorja në kampionat me Leeds United do kërkojnë një tjetër sukses ndaj një-herë kampionëve të kontinentit.
Kjo sfidë është e rëndësishme jo vetëm për vazhdimësinë, këtë sezon, por gjithashtu do shërbejë si kamerdare shpëtimi për trajnerin e bluve Graham Potter, që duhet thënë se muajin e fundit, ka vuajtur shumë në eksperiencën e tij të parë më një klub të elitës europiane.
Potter, do ta rreshtojë ekipin e tij me një formacion 3-4-2-1. Kepa pritet të luajë në portë, i mbështetur nga treshja e mbrojtjes, e përbërë nga Chalobah, Koulibaly dhe Fofana. Në mesfushë do të startojnë, Kovaçiç dhe Fernandez në qëndër, të mbështetur nga James edhe Chillëell nga krahët. Sterling dhe Joao Felix pritet që të mbështesin sulmuesin e vetëm, të deklaruar, të ekipit, Kai Havertz
Nga ana tjetër, Dortmund, do kërkojë të prishë planet e Potter, duke synuar një kualifikim që do të ishte një sukses tejet i rëndësishëm për trajnerin e “Verdhezinjve”, Edin Terziç.
Tekniku boshnjak, pritet të ketë të startojë në këtë sfidë me portierin Alexander Meyer i cili me performancat e tij ka fituar besimin e trajnerit. Niklas Sule, Nico Schlotterbeck, Marius Wolf dhe Raphael Guerreiro, do të jenë katërshja e mbrojtjes.
Në mesfushë, Terziç, i zë besë, Emre Can, Salih Ozcan dhe anglezit Jude Bellingham. Ndërkohë reparti i avancuar do ti besohet, kapitenit legjendar, Marco Reus së bashku me Julian Brandt dhe Sebastien Haller me Donyell Malen që mund të aktivizohet në pjesën e dytë.
Discussion about this post