Chelsea raportohet se është i interesuar për nënshkrimin me lojtarin e Juventus, Federico Chiesa, i cili mund të largohet nga ‘Bardhezinjtë’ pas vetëm dy sezonesh verën e ardhshme.
Fabrizio Romano foli në podkastin e tij ‘Here We Go’ dhe ka pohuar se trajneri i Chelseas, Thomas Tuchel, do të ishte i kënaqur të nënshkruante me italianin.
Ai shton më tej se trajneri gjerman është një admirues i ish-lojtarit të Fiorentinës dhe kështu ‘Blutë’ e Londrës janë duke e ndjekur sulmuesin.
Chiesa ka qenë një anëtar i rëndësishëm i Juventusit dhe Italisë që kur u bashkua me ‘Zonjë e Vjetër’ si dhe e ndihmoi Kombëtaren e tij të fitonin Europianin.
Ai shënoi 14 gola dhe kontribuoi me 11 asistime në sezonin e tij të parë me gjigantët torinezë dhe ka realizuar tre gola dhe ka dhënë tre asistime për sezonin 2021-2022.
Nuk ka gjasa që Juventus të jetë i gatshëm të shesë lojtarin, por ka një kusht që mund të bëhet i rëndësishëm për të dyja skuadrat.
Djemtë e Allegrit janë duke luftuar në Serie A dhe kanë një detyrë të madhe përpara për të mbyllur diferencën deri në katër më të mirat në ligë. Juventus ndodhet në vendin e shtatë në tabelë, shtatë pikë prapa Atalantës së vendit të katërt.
‘La Gazzetta dello Sport’ ka zbuluar se një mori lojtarësh mund të duhet të largohen nëse ‘Zonja e Vjetër’ nuk kualifikohet në Champions sezonin e ardhshëm.
Një vend jashtë katërshes së parë do të çonte në një humbje të pritshme prej 80 milionë euro në të ardhura dhe Chiesa është ndër emrat që mund të sakrifikohen nga ‘Bardhezinjtë’.
Romano nënvizon se thashethemet për një lëvizje të mundshme në Chelsea lindin për shkak të admirimit të Tuchel për yllin italian.
Thashethemet nisin sepse ne e dimë që Thomas Tuchel e do këtë lojtar”, tha Romano. “Ai mendon se Chiesa është një nga sulmuesit më të mirë”.
Chiesa shënoi golin e vetëm në fitoren 1-0 ndaj Chelseas në Allianz Stadium më 29 shtator dhe të dy klubet aktualisht po luftojnë për vendin e parë në Grupin H në Champions League./K.T/Gijotina.com
Discussion about this post