Chelsea investoi (ose hodhi, më mirë) shifra marramendëse këtë sezon, afro 600 milionë euro në të dy sesionet, por sërish blutë nuk arritën të ktheheshin konkurrues, madje ndryshuan edhe tre trajnerë brenda këtij sezoni, por në asnjë rast këto lëvizje nuk kishin efekt. Jashtë zonës europiane, po kapen fort pas Championsit, aty ku do të përballen me Realin e Madridit në fazën çerekfinale.
Si do që të jetë epilogu i këtij sezoni, nga Londra pritet të largohen shumë lojtarë, ku sipas të gjithë gjasave trajneri i ri do të dizajnoj edhe një herë ekipin. Në listën në dalje janë shumë lojtarë, duke nisur nga Kante, Hudson-Odoi, Sarr, Loftus-Cheek, Aubameyang, Havertz dhe shumë të tjerë.
Sipas mediave angleze, në dalje është dhe Armando Broja. “Bomberi” kuqezi është në fazë riaftësimi, duke parë edhe mbipopullimin në fazën sulmuese, nuk përjashtohet pista që Broja në nxirret në shitje, për të shfryrë grupin, por edhe për të minimizuar shpenzimet e çmendura. Për Brojën vijon të ketë interesim të madh nga Serie A ku disa ekipe janë interesuar për lojtarin me origjinë nga Qarku i Shkodrës.
Discussion about this post