Këtë fundjavë Chelsea ka triumfuar kundër Southampton me rezultatin 3-1, në ndeshjen e vlefshme në Premier Ligën angleze.
Pas humbjes ndaj Manchester City, skuadra e Tuchel i është rikthyer fitores, këtë herë kundër skuadrës në të cilën aktivizihet edhe shqiptari Armando Broja.
Broja këtë takim nuk mundi të japë kontributin e tij, ku nuk ishte fare pjesë e 11shes startuese. Shqiptari këtë sezon aktivizohet me Southampton, por që në fakt është transferuar falë një huazimi nga Chelsea, dhe klauzolat e kësaj marrveshje, nuk mund ta lejojnë të luajë kundër skuadrës mëmë.
Pjesa e parë e takimit u dominua nga vendasit, të cilët zhbllokuan rezultatin që në fillimin e ndeshjes me golin e Chalobah, me barazpeshën që u vu në fushë vetëm në minutën e 61’ nga Prowse për Southampton. Vetëm pak minuta më pas golashënuesi mik do të ndëshkohej me karton të kuq, duke e lënë skuadrën e Brojës me 10 lojtarë.
Ky moment është shfrytëzuar më së miri nga Tuchel, që falë golave Werner dhe Chilwell arriti të fiksojë rezultatin final në 3-1, për të kapur në këtë mënyrë kreun e Premier Ligës angleze.
