Chelsea sfidon skuadrën e Njukasëllit këtë fundjavë ku do të kërkojë fitoren e radhës për të ruajtur kreun e renditjes. Për këtë duel blutë e Londrës do të kenë disa mungesa teksa për këtë problem ka folur edhe trajneri i kampionëve në fuqi të Europës, Tomas Tuhel.
“Si Werner, ashtu edhe Lukaku nuk do të udhëtojnë me ekipin, pasi janë të dëmtuar dhe plani ynë është t’i kemi gati pas ndërprerjes së kampionatit. Ka pësuar një dëmtim edhe Mateo Kovaçiç, që do të qëndrojë jashtë për disa javë, por kemi rikuperuar plotësisht Loftus-Cheek, Azpilicuetën dhe Kante. Është rikthyer në stërvitje edhe Pulisic, por natyrisht që nuk mund të luajë ende, pasi nuk ka gjetur formën e tij më të mirë”, deklaroi Tuchel.
