Skuadra e Chelseat përballet sonte në mbrëmje ndaj Uatfordit në një sfidë që nuk ngjall shumë frikë tek kryesuesit e kampionatit. Londinezët qëndrojnë në krye të renditjes ku pas 13 javëve të para komandojnë në kuotën e 30 pikëve. Chelsea ka shënuar 31 gola dhe ka pësuar vetëm 5 të tilla. Statistika që tregojnë një skuadër të ekuilibruar. Në vigjilje të ndeshjes me Uatfordin trajneri Tomas Tuhel ka vlerësuar kundërshtarin dhe trajnerin Ranieri.
“Ranieri nuk ka nevojë për prezantim, të gjithë e dinë se çfarë ka bërë në Premier League me të gjitha skuadrat që ka drejtuar.
Ai është një trajner me eksperiencë të madhe, më në fund do kemi fatin të njihem me të, pasi do të jetë hera e parë që do të takohemi.
Dallohet ndryshimi tek ekipi i Uatford prej momentit që në stol është ulur Claudio, e konfirmojnë shifrat por edhe stili i lojës.
Ata janë më të sigurt se më parë dhe bëjnë shumë presing lart, sidomos në ndeshjet shtëpiake”, theksoi Tomas Tuhel.
Discussion about this post