Chelsea ka fituar me shifrat minimale 1-0 në transfertë kundër Brantford këtë fundjavë.
Që me fillimin e lojës, u vu re dominimi i ‘Bluve’ të Londrës, ku pas aksioneve të herë pas hershme, arrijnë të finalizojnë me Chilwell në fundin e pjesës së parë.
Pjesa e dytë shtoi presionin mbi vendasit, ku statistikat e lojës u barazpeshuan me Brentford që ishte në çdo moment në kërkim të golit të barazimit, por djemtë e Tuchel arritën të administrojnë rezultatin më së miri deri në përfundim të takimit.
Portieri Mendy do të ishte ‘heroi’ i Chelsea këtë takim, i cili bëri disa pritje vendimtare nga Brentford, që kulmoi me aksionin e minutave të fundit, por gardiani arriti ta mbajë rrjetën e paprekur, për ti rrëmbyer tre pikë të plota këtij takimi.
Pas kësaj fitore, Chelsea e sheh veten në pozitën e parë të renditjes me 19 pikë, ndërsa Brentfordi mban vendin e shtatë me 12 pikë.
