Futbollisti spanjoll, Marc Cucurella ka zhvilluar një sezon të mrekullueshëm në fanellën e Brighton dhe ka impresionuar me paraqitjet e tij në fanellën e këtij klubi anglez edicionin e kaluar.
Edhe pse në mediat angleze u shkrua se transferimi i tij te City ishte një punë e përfunduar, në fund Cucurella nënshkroi një kontratë gjashtëvjeçare me Chelsean.
Megjithatë, ajo që ishte një surprizë edhe më e madhe ishte se “Blues” paguan 65 milionë euro për këtë 24-vjeçar.
Cucurella luajti nga minuta e parë në derbin ndaj Manchester United mbrëmë, por trajneri Graham Potter e tronditi atë në minutën e 36-të kur vendosi ta nxirrte nga loja dhe të fuste në fushë Mateo Kovacic.
Spanjolli nuk kishte asnjë problem me dëmtim apo të ngjashme, dhe ishte dukshëm i zemëruar dhe i zhgënjyer që Potter e nxori nga loja dhe e poshtëroi në një mënyrë të tillë.
Pas lojës, Potter shpjegoi se e bëri këtë sepse e kuptoi se duhej të ndryshonte formacionin. Ata e nisën ndeshjen në një formacion 3-5-2 që nuk funksionoi realisht dhe vendosën për formacionin 4-4-2, dhe viktima në fund ishte Cucurella.
Discussion about this post