Në protestën e sotme një qytetare ka folur mjaft e indinjuar. Sipas saj, revolta vjen nga mosreagimi i shqiptarëve lidhur me zhvillimet e fundit në vend dhe për vdekjen e 32-vjeçarit Lear Kurti.
Teksa ka folur për mediat gjatë protestës, ajo është shprehur e shqetësuar për mos’heqjen e prangave të riut, gjatë momentit që ai ishte i shtrirë në spital dhe me serum në dorë.
Për zonjën në fjalë, 2 doza me nga 2 gram drogë në xhep nuk duhet të ishin shqetësimi kryesor i policisë, por duhet të shihet drejt atyre që trafikojnë tonelata me “mall”.
“S’ma ndjen fare për politikën. Kam dalë se jam indinjuar si nënë. Akoma nuk i kishin hequr prangat në morg. Kufoma me pranga në dorë ne, unë që kam punuar në shëndetësi prej kohësh skemi shoqëruar. Këta e bënë, këta palaçot. Shqiptarët janë menefrego, ngrihen vetëm kur u vjen e keqja te këmbët. Djali dukej që në paraqitje që ishte djalë i mirë. Çfarë e gjeti policinë për 2 doza kanabisi nga 2 gramë 4 gramë. Trafikantët e mëdhenj janë të lirë”, u shpreh qytetarja.
Discussion about this post