Kanë përfunduar pjesët e para në ndeshjet e kësaj mbrëmje në Champions League. Skuadra e Chelseat udhëheq me shifrat 1-0 duelin ndaj Juventusit që përcakton edhe fatet e ekipit kryesues të grupit H. Londinezet kaluan në avantazh me anë të mbrojtësit Rudiger i cili shënoi pas një përgjumje të lojtarëve bardh e zi. Chelsea ka dominuar pjesën e parë ndaj italianëve teksa me këtë rezultat janë pikërisht kampionët në fuqi të Championsit që kalojnë në vendin e parë në grup.
Në sfidën tjetër Barcelona po barazon pa gola ndaj Benfikas. Një ndeshje e hapur dhe me shumë raste shënimi nga të dyja skuadrat. Miqtë kaluan në avantazh por goli u anulua për shkak se topi kishte kaluar vijën fundore. Nga ana tjetër katalanasit i’u afruan golit por në një rast ishin të pafat pasi topi përfundoi në traversë.
Discussion about this post