Chollet pas takimit me Lajçak: Të angazhuar për shtensionimin e situatës

Këshilltari i lartë i Departamentit Amerikan të Shtetit, Derek Chollet ka takuar të dërguarin e Bashkimit Evropian për dialogun Kosovë-Serbi, Miroslav Lajçak.

Chollet në një postim në Twitter shkruan se kishte një takim të mirë me të dërguarin e BE-së për angazhimin e përbashkët mbi shtensionimin e situatës në Kosovë dhe Serbi.

“Takimi i mirë me Përfaqësuesin Special të BE-së, Miroslav Lajçak për angazhimin e përbashkët mbi deskalimin e situatës në Kosovë dhe Serbi dhe mbështetjen e rrugës së Ballkanit Perëndimor drejt integrimit në BE”, shkruan Chollet.

Sot shefi i Politikës së Jashtme të Bashkimit Evropian, Josep Borrell ka bërë të ditur se i ka ftuar në takim urgjent në Bruksel, kryeministrin e Kosovës, Albin Kurti dhe presidentin e Serbisë, Aleksandar Vuçiç.

Borrell ka kërkuar shtensionimin e menjëhershëm të situatës, zgjedhje të reja në veri me pjesëmarrjen e serbëve.

Great meeting with EU Special Representative @MiroslavLajcak about shared commitment to deescalating the situation in Kosovo and Serbia and supporting the Western Balkans’ path toward EU integration. pic.twitter.com/qzA1HEdaF7

— Derek Chollet (@CounselorDOS) June 22, 2023