Transportonin klandestinë, trafikonin drogë dhe shkonin ilegalisht në tokën greke, si e kishin ngritur “biznesin” çifti nga Saranda.
Të tjera detaje janë zbardhur në lidhje me arrestimin e pak orëve më parë në Sarandë, ku në banesën e një çifti u sekuestruan 35.6 kg lëndë narkotikë, 1 automatik dhe një sasi municioni luftarak.
Çifti Lutfi dhe Shano Faslliu survejoheshin nga policia prej më tepër se 1 muaj, ndërsa sipas burimeve bëhet me dije se kryefamiljari kishte dy mbiemra Faslliu dhe Demçe. Madje, të dy futeshin ilegalisht në tokën greke dhe bënin transportin e emigrantëve drejt Shqipërise kundrejt pagesës 300 euro.
Burime konfidenciale bëjnë me dije se është pikërisht Faslliu, personi i cili kontrollon trafikun e drogës në zonë.
