“Aktiv1st-i” i qeverisë Rama bën monitorimin e rezultateve të propagandës së qeverisë në rrjetet sociale. Aplikacioni i hapur pak kohë më parë nga qeveria, i quajtur “Akt1vist”, mund ta shkarkohet në celular dhe prezantohet si një platformë inovative për gjithë ata që duan që zëri i tyre të dëgjohet në shoqëri. Por, puna e bërë deri më tani nga ky aplikacion tregon qëllimin e vërtetë të tij. Në fakt është më tepër një formë monitorimi për punonjësit e Administratës. Tashmë të gjithë e dimë se çdo punonjës i Administratës duhet të shpërndajë postimet e kabinetit Rama, të shkojë nëpër mbledhjet e tyre politike dhe t’iu rrisë shikueshmërinë në rrjetet sociale për “punët” e bëra. 
Kështu, “Aktiv1st” kontrollon, nëse Administratat e ka kryer si duhet apo ajo detyrat e saj funksionale.
Kjo duket qartë tek raporti i punës së publikuar nga ky aplikacion. Në raportin e quajtur “Veprimtaria në rrjetet sociale”, që Gijotina.com e disponon, tregohet se si ka ecur ky aktivitet i qeverisë nga data 8 janar deri më 15 janar.
“Aktiv1st” publikon çdo detaj për çdo “account” të ministrave. Për shembull në tabelën më poshtë tregohet se sa komente, “share”, “like” dhe sa i janë rritur folloëers-at gjatë një jave të gjithë ministrave. Madje, aty tregohet me detaje se cili nga postimet e të gjithë kabinetit është më i klikuar në një javë.
Të njëjtën punë “Aktiv1st-i” ka bërë edhe me aplikacionet Tëitter dhe Instagram. Epo punë të lodhshme paska! Kështu, Administrata e ka të qartë që nuk duhet t’iu shpëtojë asnjë postim pa i bërë “like”, “share” dhe koment. Ndryshe nëse bie reach-i i llogarive të ministrave, bie dhe vlerësimi i eprorëve për ta.
“Kjo platformë e Partisë Socialiste të Shqipërisë, i jep mundësinë çdo personi që ka ide dhe dëshirë. Të jetë pjesëmarrës në gara lokale ose kombëtare, të çojë përpara nismat e tij. Si dhe të jetë një faktor aktiv në komunitetin ku jeton. Aktiv1st është një platformë inovatore, e thjeshtë për tu përdorur nga të gjithë ata që duan të bëhen një zë në shoqëri, duan të jenë nismëtarë ose mbështetës të kauzave në komunitetet e tyre. Platforma është një hapësirë e përbashkët inovative që vlerëson angazhimin dhe iniciativën. Si dhe i jep zërin e duhur atyre që duan të kontribuojnë më shumë për të mirën e përbashkët. Në nivel lokal dhe kombëtar. Në zemër të aktivizmit politik, në vetëm 3 hapa”, kështu e ka preznatuar PS këtë aplikacion.
Dhe pasi pamë punën që ka bërë realisht kjo platformë deri më tani. Lind pyetja: Çfarë të mire sjellin tek qytetarët niveli like-ve apo komenteve që kanë ministrat në account-et e tyre?
Dhe çudia vazhdon akoma. Pasi vërehet se përmes këtij aplikacioni të gjithë përdoruesit do të marrin njoftime për mitingje, mbledhje apo postime që bëjnë krerët e partisë dhe më pas ata duhet të vihen në lëvizje për të komentuar, pëlqyer apo shpërndarë postimet në fjalë ose në të kundërt për të shkuar dhe për tu paraqitur nëpër takime elektorale.
Jo vetëm kaq, por në bazë të aktivitetit që përdoruesit shfaqin në këtë aplikacion, do të ketë edhe një sistem pikëzimi, që do të nxjerrë “patronazhistin” që ka bërë si duhet punën.
Me sa duket në vijim do të shohim lëvizje të shpeshta në Administratën e PS-së për rrjetet sociale. Ndërkohë, të dhënat e këtij raporti, në mënyrë të hapur, iu bëjnë thirrje punonjësve që ta shkarkojnë atë sa më parë dhe të jenë sa më shumë aktivë në rrjetet sociale. Në të kundërt, mund të mbeten të papunë!
Discussion about this post