Një raport nga GreenSmartphones zbuloi se përdoruesit e Android, përballen me më pak probleme gjatë përdorimit të pajisjeve të tyre në krahasim me përdoruesit e iOS.
Raporti analizoi të dhënat e kërkimit, duke gjurmuar se sa herë përdoruesit e të dy sistemeve kërkuan ndihmë me operacionet bazë si filmimi i ekranit, ndarja e vendndodhjes, etj.
Kështu, rezultatet tregojnë se përdoruesit e iPhone në Shtetet e Bashkuara kërkuan ndihmë për këto funksione bazë afërsisht 358,000 herë në muaj, që është madje 58% më shpesh se përdoruesit e Android (226,000).
Dallimi më i madh u pa në kërkimin “si të fshini të gjitha përmbajtjet dhe cilësimet”, me përdoruesit e iOS që e kërkojnë këtë gjashtë herë më shpesh sesa përdoruesit e Android.
Hulumtimi krahasoi 12 operacione të zakonshme dhe Android ia kaloi iOS-it në 10 nga këto 12, për sa i përket më pak përdoruesve që kërkonin udhëzime. Android mbeti vetëm pas iOS në filmimin e ekranit dhe skanimin e kodit QR.
Ndërsa debati i gjatë mbi dallimet midis Android dhe iOS vazhdon, me argumente për fleksibilitetin dhe personalizimin e Android kundrejt shpejtësisë dhe sigurisë afatgjatë të iOS, ky studim sugjeron që përdoruesi mesatar mund ta ketë më të lehtë për të përdorur Android.
Discussion about this post