Ndeshja mes Manchester City dhe Leicester City dhuroi një spektakël të vërtetë në “Boxing Day” me plot 9 gola të shënuar në total.
Të besuarit e Pep Guardiolës fituan me rezultatin 6-3 dhe vijojnë të mbajnë kreun e renditjes në Premier League, me Liverpool në vendin e dytë që nuk do të luajë këtë javë pasi ndeshja e tyre me Leeds u anulua për shkak të Covid-19.
Trajneri i City, Guardiola foli pas ndeshjes dhe tha se skuadra e tij kishte kontrollin dhe mund të kishte shënuar më shumë.
“Ne kishim kontrollin e lojës, por në të njëjtën kohë ata arritën në të tretën e fundit dhe krijuan raste. Në 4-3 pas 65 minutash gjithçka mund të ndodhte, mund të fitonim, mund të baraznim, mund të humbnim. Futbolli në Premier League, skuadrat janë shumë të mira. Një fitore tjetër, kaq e rëndësishme për të vazhduar ecurinë tonë. Tani pushojmë për tre ditë dhe shkojmë në ndeshjen tjetër”.
Ndonjëherë skuadrat janë të mira dhe kur kjo ndodh, ato mund të bëjnë atë që bënë. Loja ishte vërtet e mirë. Mund të kishim shënuar shumë më tepër”, tha Guardiola.
Discussion about this post